Tuesday, December 28, 2010
Wednesday, December 22, 2010
ਕੀਰਤਨ ਦਰਬਾਰ
ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ ਜੀ
ਸਾਰੇ ਵੀਰਾਂ ਨੂੰ ਹਥ ਜੋੜ ਕੇ ਬੇਨਤੀ ਹੈ ਕੇ ਜਿਵੇਂ ਆਪ ਜੀ ਦੇਖ ਰਹੇ ਹੋ ਸਿਖੀ ਦਿਨੋਂ ਦਿਨ ਘਟਦੀ ਜਾ ਰਹੀ ਹੈ ਸਿਖੀ ਨੂੰ ਪ੍ਰਫੁਲਿਤ ਕਰਨ ਲਈ ਅਸੀਂ ਇਕ ਕੀਰਤਨ ਦਰਬਾਰ ਕਰਵਾਣ ਜਾ ਰਹੇ ਹਾਂ ਜਿਸ ਵਿਚ ਮੇਹੰਗੇ ਤੋਂ ਮੇਹੰਗੇ(51ਹਜਾਰੀ,31ਹਜਾਰੀ ਤੇ ਕੁਛ ਇਸ ਤੋਂ ਵੀ ਮੇਹੰਗੇ ) ਜਥੇ ਬੁਲਾਏ ਜਾਣਗੇ ਤੇ ਉਹ ਆਪ ਜੀ ਨੂੰ ਗੁਰੂ ਦੀ ਗਲ ਕੀਤੇ ਬਗੇਰ ਆਪਣ...ੇ ਵਾਜੇ ਦੀਆਂ ਸ...ੁਰਾਂ ਨਾਲ ਅਤੇ ਤਬਲੇ ਦੀਆਂ ਤਾਲਾਂ ਨਾਲ ਨਿਹਾਲ ਕਰਨਗੇ ਆਪ ਜੀ ਨੂੰ ਹੋਰ ਵੀ ਨਿਹਾਲ ਕਰਨ ਲਈ ਸ੍ਪੇਸ਼ਲ ਤੋਰ ਤੇ ਚਿਮਟਿਆਂ ਵਾਲੇ ਬਾਬੇ(ਨੰਗੀਆਂ ਲੱਤਾਂ ਵਾਲੇ ਬਾਬੇ ) ਵੀ ਬੁਲਾਏ ਜਾਣਗੇ ਜੋ ਪੂਰੀ ਰੂਹ ਨਾਲ ਢੋਲਕੀਆਂ ਚਿਮਟੇ ਕੁਟ ਕੇ ਆਪ ਜੀ ਨੂੰ ਨਿਹਾਲ ਕਰਨਗੇ ਅਤੇ ਗੁਰੂ ਜੀ ਦੀ ਹਜੂਰੀ ਵਿਚ ਬੈਠ ਕੇ ਗੁਰੂ ਜੀ ਨੂੰ ਹੀ ਜਿਬਾ ਚਿਢ਼ਾਣਗੇ ਆਪ ਜੀ ਵੀ ਇਨਾਂ ਦੀਆਂ ਜਿਬਾ ਚਿਢ਼ਾਨ ਵਾਲੀਆਂ ਕਾਰਵਾਈਆਂ ਵਿਚ ਸਾਥ ਦੇਓ ਜੀ ਅਤੇ ਜੋਰ ਜੋਰ ਦੀ ਸਿਰ ਹਿਲਾ ਕੇ ਆਪਣੀ ਮੂਰਖਤਾ ਦਾ ਸਬੂਤ ਦੇਓ ਜੀ ਇਕ ਖਾਸ ਤੋਹਫ਼ਾ ਜੋ ਵੀ ਭਗਤ ਸਬ ਤੋਂ ਜਿਆਦਾ ਸਿਰ ਹਿਲਾਏਗਾ ਉਸ ਨੂੰ ਬਣ ਰਹੀ ਵੀਡੀਓ ਵਿਚ ਫੁੱਲ ਫਰੇਮ ਕੀਤਾ ਜਾਏਗਾ ਤੇ ਜਿਸਦੀ ਸਿਰ ਹਿਲਾਂਦੇ ਹੋਏ ਦਸਤਾਰ ਉਤਰ ਜਾਵੇਗੀ ਉਸਨੂੰ ਕਈ ਜਥੇਬੰਦੀਆਂ ਵਲੋਂ ਸਨਮਾਨਿਤ ਕੀਤਾ ਜਾਏਗਾ
ਜਰੂਰੀ ਬੇਨਤੀ ;ਜੋ ਵੀ ਸਜਣ ਇਸ ਪ੍ਰਚਾਰ ਵਿਚ ਹਿੱਸਾ ਪਾਣਗੇ ਉਨਾਂ ਨੂੰ ਸ੍ਪੇਸ਼ਲ ਤੋਰ ਤੇ ਸ੍ਟੇਜ ਤੇ ਬੁਲਾ ਕੇ ਸਨਮਾਨਿਤ ਕੀਤਾ ਜਾਏਗਾ ਉਨਾਂ ਦੀ ਫੋਟੋ ਵੀ ਖਿਚੀ ਜਾਏਗੀ ਜੋ ਅਗਲੇ ਦਿਨ ਦੀਆਂ ਅਖਬਾਰਾਂ ਵਿਚ ਵੀ ਲਗਾਈ ਜਾਏਗੀ ਜੋ ਕਿ ਆਪ ਜੀ ਦੇ ਭਵਿਖ ਵਿਚ ਬਹੁਤ ਹੀ ਕਾਮਯਾਬ ਸਾਬਿਤ ਹੋਵੇਗੀ
ਖੁੱਲਾ ਭੰਡਾਰਾ ਚਲੇਗਾ
ਜਿਸ ਵਿਚ ਅਣਭੋਲ ਸਿਖਾਂ ਕੋਲੋਂ ਧਰਮ ਪ੍ਰਚਾਰ ਦੇ ਨਾਮ ਤੇ ਉਨਾਂ ਦੇ ਨਿਚੋੜੇ ਹੋਏ ਖੂਨ ਨਾਲ ਪੂੜੀਆਂ ਤਲੀਆਂ ਜਾਣਗੀਆਂ ਬਾਕੀ ਵੀ ਪਕਵਾਨ ਕਿਸੇ ਦੀ ਲੁੱਟ ਖਸੁੱਟ ਕਰ ਕੇ ਪੂਰੇ ਕਰ ਲਏ ਜਾਣਗੇ ਆਪ ਜੀ ਲਈ ਖੀਰ ਵੀ ਜਰੁਰ ਬਣੇਗੀ ਚਾਹੇ ਕਿਸੇ ਸਿਖ ਦੋਖੀ ਨੂੰ ਸ੍ਟੇਜ ਤੇ ਸਿਰੋਪਾ ਕਿਓਂ ਨਾ ਦੇਣਾ ਪਵੇ
ਸੋ ਆਪ ਜੀ ਨੂੰ ਬੇਨਤੀ ਹੈ ਕੇ ਵਧ ਤੋਂ ਵਧ ਇਕਠ ਦੇ ਰੂਪ ਵਿਚ ਪੁਜ ਕੇ ਆਪਣੇ ਲਿਫਾਫੇ ਬਾਲਟਿਆਂ ਭਰੋ ਜੀ ਉਥੇ ਹੀ ਸਾਡੇ ਰਾਜਨੀਤਕ ਕੈਰਿਯਰ ਨੂੰ ਚਮਕਾਉਣ ਵਿਚ ਸਾਡਾ ਸਾਥ ਦੇਓ ਜੀ ਆਪ ਜੀ ਜਲਦ ਤੋਂ ਜਲਦ ਇਸ ਹੋ ਰਹੇ ਪ੍ਰ.........ਰ ਵਿਚ ਹਿੱਸਾ ਪਾਓ ਜੀ ਤਾਂ ਕੇ ਤਾਰੀਖ ਜਲਦੀ ਹੀ ਪੱਕੀ ਕੀਤੀ ਜਾ ਸਕੇ
ਜਰੂਰੀ ਸੂਚਨਾ...ਜੋੜਿਆਂ ਦੇ ਨਾਲ ਦਿਮਾਗ ਵੀ ਜਮਾ ਕਰਵਾ ਕੇ ਆਣਾ ਜਰੂਰੀ ਹੈ ਅਤੇ ਜੋ ਵੀ ਦੀਵਾਨ ਵਿਚ ਗੁਰੂ ਦੀ ਗੱਲ ਕਰੇਗਾ ਉਸਨੂੰ ਕੁੱਟ ਕੇ ਬਾਹਰ ਕਢਿਆ ਜਾਵੇਗਾ
ਬੇਨਤੀ ਕਰਤਾ ; ਸਤਪਾਲ ਸਿੰਘ ਦੁਗਰੀ
ਮੋ ;13 ਮੇਰਾ ਮੇਰਾ 13
ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ ਜੀ
